American Film Market i themeluar në vitin 1981 është organizimi më i madh i tregut të filmit ku takohen mbi 8.000 udhëheqës të industrisë. Në AFM mblidhen rreth 70 përfaqësues të vendeve të botës dhe marrin pjesë të gjithë ata që ofrojnë shërbime për industrinë e filmit.
Këtë vit në AFM nën ombrellën e European Film Promotion do të jetë edhe “Tri Dritare dhe Një Varje” filmi nominues i Kosovës për Oscars i cili do të shfaqet për të promovuar konkurrimin e tij në Oscars.
Përfaqësues këtë herë nga Kosova do të jetë Qendra Kinematografike e Kosovës e cila do të qëndroj disa ditë në AFM për të ndihmuar në promovimin e filmit të regjisorit Isa Qosja, “Tri Dritare dhe Një Varje”.
Drejtori i QKK-së, Arben Zharku u shpreh: “Është kënaqësi të jemi prezent edhe në tregun amerikan të filmit. Kjo prezencë e QKK-së përmes fimit “Tri dritare dhe Një Varje” do të hapë mundësi të reja për kinematografinë kosovare."
AFM fillon me 5 nëntor deri 12 nëntor 2014 në Santa Monica ku gjatë 8 ditëve udhëheqësit e industrisë bëjnë marrëveshje, shfaqen premiera nga bota dhe krijohen lidhje të ndryshme.
