Qendra Kinematografike e Kosovës ka kënaqësinë t’ju njoftojë se është hapur Konkursi për subvencionimin e projekteve filmike i vitit 2026.

Në kuadër të thirrjes së këtij viti, Qendra Kinematografike e Kosovës prezanton edhe tre kategori të reja: Bashkëprodhim Minor për Film të Metrazhit të Shkurtër, Mbështetje për Shkrim të Skenarit për Serial Televiziv dhe Film i Metrazhit të Shkurtër Bazuar në Materiale Arkivore.

Përmes këtij Konkursi, projektet filmike do të mbështeten në këto kategori:

1. FILM I METRAZHIT TË GJATË - ARTISTIK
2. FILM I METRAZHIT TË GJATË - DOKUMENTAR
3. FILM I METRAZHIT TË GJATË - ME BUXHET TË ULËT, AVANT-GARDË/EKSPERIMENTAL
4. BASHKËPRODHIM MINOR PËR FILM TË METRAZHIT TË GJATË - ARTISTIK DHE DOKUMENTAR
5. FILM I METRAZHIT TË SHKURTËR - ARTISTIK
6. FILM I METRAZHIT TË SHKURTËR - I ANIMUAR
7. FILM I METRAZHIT TË SHKURTËR - DOKUMENTAR
8. FILM I METRAZHIT TË SHKURTËR - STUDENTOR
9. BASHKËPRODHIM MINOR PËR FILM TË METRAZHIT TË SHKURTËR - ARTISTIK, DOKUMENTAR DHE I ANIMUAR
10. MBËSHTETJE PËR SHKRIM TË SKENARIT PËR FILM TË METRAZHIT TË GJATË - ARTISTIK DHE I ANIMUAR
11. ZHVILLIM I PROJEKTIT PËR FILM TË METRAZHIT TË GJATË - ARTISTIK, DOKUMENTAR DHE I ANIMUAR
12. MBËSHTETJE PËR SHKRIM TË SKENARIT PËR SERIAL TELEVIZIV
13. POST-PRODUKSION PËR FILM TË METRAZHIT TË GJATË - ARTISTIK DHE DOKUMENTAR
14. FILM I METRAZHIT TË SHKURTËR BAZUAR NË MATERIALE ARKIVORE

MËNYRA E APLIKIMIT

Aplikimi bëhet vetëm përmes emailit: [email protected]

Në subjektin (Subject) të emailit duhet të shënohet kategoria e aplikimit me numër të referencës dhe emri i projektit, sipas shembullit më poshtë:

Ref. Nr. QKK xx/2026 - Emri i Projektit

Në rast se aplikuesi dërgon më shumë se një aplikim për të njëjtin projekt në të njëjtën kategori, vetëm aplikimi i parë i dërguar do të merret parasysh.

Brenda 48 orëve nga pranimi i aplikimit, aplikuesi do të marrë konfirmim me email se aplikimi është pranuar.

Aplikimet me dokumentacion të pakompletuar diskualifikohen, në përputhje me Rregulloren (MKRS) Nr. 02/2023¹ për Konkurset dhe Mbështetjen Financiare të Veprave Filmike dhe Audio-vizuale, Neni 12, pika 1.

FORMULARËT PËR SHKARKIM

• Formulari e Aplikimit/Testit të Kulturës
• Formulari i Buxhetit

Shkarko Formularët

KUFIZIMET NË PJESËMARRJE

• Shtëpitë filmike që janë me vonesë në zbatimin e kontratave paraprake nuk kanë të drejtë pjesëmarrjeje. 
• Shtëpitë filmike nuk kanë të drejtë konkurimi me më shumë se tri projekte brenda konkursit.
• Projektet që kanë filluar xhirimet nuk mund të aplikojnë në Konkurs. Përjashtim bëjnë projektet për post-produksion dhe filmat dokumentarë.
• Projektet që janë refuzuar tre herë në thirrjet e mëparshme nuk kanë të drejtë aplikimi.

Vërejtje - referuar Ligjit për parandalimin e konfliktit të interesit: punëtorët e Ministrisë së Kulturës dhe Turizmit, dhe institucioneve vartëse të saj, nuk kanë të drejtë aplikimi në Konkurs.

AFATI I APLIKIMIT

Konkursi është i hapur nga data 23.09.2026 deri më 25.10.2026, në orën 00:00.