Filmbërësi Kosovar Ujkan Hysaj me propozim të Qendrës Kinematografike të Kosovës është selektuar që së bashku me 12 artistë tjerë evropian të merr pjesë në” A Sunday in the Country“ një program i Akademisë Evropiane të Filmit EFA, ku ka për qëllim të ndihmoj filmbërësit e rinjë evropian në projektet e tyre të ardhshme.

“A Sunday” është një takim fundjavë dedikuar për 13 kineastët e rinj Evropian që do të takohen me disa epsert të çmuar të EFA-s. Atmosfera private e projektit është një mundësi e madhe për diskutime joformale, me mendje të hapur dhe një platformë për frymëzim dhe shkëmbimit të ideve.

Ujkani si regjisor dhe producent i filmit ka punuar në shumë filma të shkurtër dhe dokumentarë të cilët kanë qenë pjesë e shumë festivaleve ndërkombëtare prestigjioze. Filmi i tij i fundit KOLONA ka fituar 15 çmime ndërkombëtare.