Qendra Kinematografike e Kosovës shpall listën e projekteve fituese të konkursit për mbështetjen e projekteve filmike të metrazhit të gjatë artistik, të hapur më 22 maj 2025.
Në këtë thirrje kanë aplikuar gjithsej 126 projekte filmike në 11 kategori.
Juria për përzgjedhjen e projekteve është përbërë nga:
- Gentian Koçi, Hassan Oswald, Roshanak Behesht Nedjad, Sona Morgenthalova dhe Visar Morina.
- Dea Gjinovci, Eneos Çarka, Iber Deari, Sevdije Kastrati dhe Shpëtim Selmani.
- Hassan Oswald, Roshanak Behesht Nedjad, Sona Morgenthalova, Visar Morina dhe Sevdije Kastrati (për kategorinë Post-Produksion).
Pas shqyrtimit dhe përzgjedhjes nga juria vlerësuese, Komisioni financiar në përbërje të Ilir Gjocaj, Fitim Shala dhe Virgjina Peja ka miratuar mbështetjen për gjithsej 48 projekte filmike.
Në përputhje me rregulloret e QKK-së, aplikuesit kanë të drejtë të paraqesin ankesë mbi këtë vendim brenda 8 ditëve nga data e publikimit të rezultateve. Ankesa duhet të dorëzohet fizikisht në QKK dhe të dërgohet gjithashtu në adresën zyrtare: [email protected].
QKK falënderon të gjithë aplikuesit për pjesëmarrjen dhe i inkurajon të aplikojnë në thirrjet e ardhshme.
