Filmi “Mua besoj më shpëtoi portreti” (I Believe the Portrait Saved Me) përzgjidhet për programin Berlinale Spotlight
Save the Date: 21 Dhjetor, ora 18:00 Dokumentationszentrum Flucht, Vertreibung, Versöhnung – Berlin

Pas premierës së tij në edicionin e sivjetëm të Berlinales dhe shfaqjeve dhe sukseseve në festivale të tjera ndërkombëtare, filmi “Mua besoj më shpëtoi portreti” i artistit dhe regjisorit Alban Muja do të shfaqet sërish në Berlin si pjesë e Berlinale Spotlight më 21 dhjetor, në Dokumentationszentrum Flucht, Vertreibung, Versöhnung (Qendrën e Dokumentimit për Zhvendosje, Dëbim dhe Pajtim).

Ky film prekës trajton temat e mbijetesës, qëndrueshmërisë dhe fuqisë transformuese të artit gjatë Luftës së Kosovës, me personazh kryesor piktorin Skender Muja, babain e regjisorit.

Filmi është gjithashtu kandidat për Çmimet Evropiane të Filmit (European Film Awards) në kategorinë e filmave të shkurtër, i nominuar nga Kurzfilm Festival Hamburg dhe fituesi do të shpallet në ceremoninë që do të mbahet në Berlin vitin e ardhshëm. Deri më sot, “Mua besoj më shpëtoi portreti” mbetet i vetmi film nga rajoni i përzgjedhur si kandidat për këtë çmim prestigjioz.

Ekipi i Prodhimit

• Skenari dhe Regjia: Alban Muja

• Rrëfimi / Personazhi kryesor: Skender Muja

• Producent: Edon Rizvanolli

• Drejtori i Fotografisë (DoP): Samir Karahoda

• Montazhi: Enis Saraçi

• Regjistrimi në Studio dhe Audio Mix: Pellumb Ballata

• Incizimi i zërit: Labinot Krasniqi

• Menaxhere e prodhimit / Line Producer: Albana Muja

Filmi është prodhuar nga 038 STUDIO, me seli në Prishtinë, në bashkëprodhim me Asfalt Films, me seli në Amsterdam, dhe është mbështetur nga QKK – Qendra Kinematografike e Kosovës.